Iloilo City — Ginpatawag sang Land Transportation Franchising and Regulatory Board ukon LTFRB VI ang senior citizen nga driver kag bata niya nga operator sang Public Utility Jeepney ukon PUJ matapos nagpaskil sang karatula sa ila salakyan nga may sulat sang bag-o nga fare rate.

Suno kay Iloilo City Loop Alliance of Jeepney Owners and Drivers Association ukon ICLAJODA President Raymundo “Boyet” Parcon, nakita sang tagdumalahan sang LTFRB VI ang post sang netizen sa Facebook sang amo nga anunsyo sa jeep nga may ruta nga Compania Fundidor, Molo – Iloilo City.

Ginapangayuan sang LTFRB VI ang mga natungdan sang explanation letter.

Ginpabutyag sang driver suno kay Parcon nga nagpaskil sila sang anunsyo agud mapahibalo ang mga pasahero.

Aprubado na sang LTFRB ang Php 9.00 nga minimum fare kag Php 7.00 nga plete sang mga senior citizen, estudyante kag Person With Disability apang wala pa sang taripa rason indi pa ma-implementar. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply