Iloilo City — Resulta sang madugay na nga panahon nga pag-engage sa illegal nga druga ang pagkadakup kay anay Desamparados, Jaro punong barangay Noemi Jablo sa buy bust operation sa Pavia kahapon.

Ini ang reaksyon ni Councilor Plaridel Nava sa pagkaaresto sang isa sa ginbansagan niya nga ‘Tres Marias’ sang ginpahayag illegal drugs trade sa syudad.

Suno sa konsehal, indi na dapat maglaum si Jablo sang simpatiya sang publiko kag magreklamo nga gin-harass ukon planted ang nga narecover nga illegal drugs sa iya bangud masami nagaguwa ang iya pangalan sang gintalakay sang city council ang problema sa illegal nga druga.

Ginpahibalo pa sadtu ni Nava si Jablo sang nagtuyo ini nga magkadtu sa iya opisina nga indi magkalipay matapos naguwa sa rekomendasyon sang konseho nga wala ini sang kahilabtanan sa illegal drugs.

Gin-athag ni Nava nga abswelto lang si Jablo sa kaso administratibo matapos siya nagpakita sang ebidensya nga nakasumiter siya sang Barangay Anti-Drug Abuse Council (BADAC) report sa diin nabutang ang mga drug personalities sa iya barangay.

Apang sa pagkadakup ni Jablo, maathag nga pruweba nga wala ini nag-untat sa iya illegal nga aktibidad.

Lakip sa ‘Tres Marias’ si Monica-Blumentritt, City Proper punong barangay Keith ‘Dabing’ Espinosa kag ang ginpatay nga si Bakhaw, Mandurriao punong barangay Remia Prevendido-Gregori. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply