San Jose, Antique – Patay ang provincial guard sang Antique Rehabilitation Center matapos gintiro-patay sang ginpahayag riding-in-tandem sa Poblacion, San Jose Antique kagab-i.

Suno kay Supt. Mark Darroca, hepe sang San Jose Police Station, ginkilala ang biktima kay Jonathan Pava nga residente sang Poblacion.

Nagapauli na ang biktima sa ila balay sakay sa iya motorsiklo sang gintiro-patay sang wala pa makilala nga mga suspetsado sakay man sa motorsiklo.

May pilas sa ulo kag lawas si Pava nga posible gintunaan sang iya kamatayon.

Tatlo pa lang ka basiyo sang indi pa matumod nga pusil ang narecover sang mga otoridad sa crime scene samtang ma-resume ang ila imbestigasyon subong nga aga. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply