Iloilo City — Ginsuhestiyon ni Department of Tourism ukon DOT 6 Director Atty. Helen Catalbas nga temporaryo siraduhon sa mga turista ang Isla Gigantes sa Carles.

Natukiban sang Provincial Environment and Natural Resources Office ukon PENRO nga madamo sang basura nga nagalinapta sa isla kag nagadirekta ang waste water sang mga pamalay kag resorts sa dagat matapos ang ila gin-conduct nga inspection.

Ginhimo ni Catalbas ang pagsuhestiyon kadungan sang ginpatawag nga Northern Iloilo Tourism Council Meeting ni Gov. Arthur Defensor.

Suno kay Catalbas siraduhon lang ang isla sa mga turista, tatlo tubtob apat ka bulan.

Pa-athag ni Catalbas nga ipaidalom sa rehabilitasyon ang isla antes buksan sa turista agud indi madasig maguba ang dunang manggad sang probinsiya kaangay sa natabu sa Boracay Island. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply