Iloilo City — Ginatugyan sang City Drug Enforcement Unit sa city DILG ang paghimo sang aksyon angut sa ginpahayag kapaslawan sang mga barangay officials sang Bakhaw, Mandurriao sa termino ni the late punong barangay Remia Prevendido-Gregori nga magkooperar sa ila ginhimo nga buy bust operation sang Hunyo 21.

Suno kay SPO1 Alfred Tilano sang CDEU, nagsulat sila kay city DILG Director Atty. Ferdinand Panes agud ipahibalo nga wala bisan isa ka barangay official nga nag-witness sa inventory.

Ginpahayag ni Tilano nga nangita sila sang paagi agud ma-contact ang mga barangay officials pareho nanday barangay kagawad Norberto Prevendido, Yorelinda Palomo, Joel Alvarado, Ronnie Tejam kag Norberto Balasa lakip na ang tanod commander kag barangay treasurer. Nakita man sini kag ginsinyasan si the late punong barangay Prevendido-Gregori pero wala gid nag-apas sa Mandurriao Police Station.

Ginpadal-an na ni Panes sang memorandum ang gintumod nga mga opisyal kag ginpangayuan sang paathag. Ginpahanumdom man ang mga ini sang ila obligasyon nga magtestigo sa inventory kon may buy bust operation base sa Dangerous Drugs Act of 2002.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply