Mga barangay officials sang Bakhaw, Mandurriao sa termino ni the late PB Remia Prevendido-Gregori, wala nagtestigo sa inventory sang buy bust operation suno sa City Drug Enforcement Unit

Iloilo City–Wala nagwitness sa inventory sa buy bust operation ang mga barangay officials sa Brgy. Bakhaw, Mandurriao sa termino sadto ni the late Punong Barangay Remia Prevendido-Gregori.

Base sa ginpadala nga sulat sang City Drug Enforcement Unit sa city Department of the Interior and Local Government ukon DILG, nagconduct sila sang buy bust operation sa Barangay Bakhaw sang Hunyo 21 batuk kay Mary Rose Broce, 39-anyos.

Gnpangita sang mga operatiba ang mga barangay officials nga sanday the late Punong Barangay Prevendido-Gregori, mga barangay kagawad nga sanday Norberto Prevendido, Yorelinda Palomo, Joel Alvarado kag Norberto Balasa lakip pa ang Tanod Commander nga si Ricardo Halaman kag Brgy. Treasurer nga si Gemma Palmos apang wala sila nagtambong sa inventory sa drug operation.

Ginpangayuan na sang paathag ni city DILG officer Atty. Ferdinand Panes ang mga natungdan. (AGB)