Zarraga — Apat pilason lakip ang duha ka barangay officials matapos natiruhan sa Sitio Culong- Culong, Barangay Tubigan, Zarraga kagab-i.

Lakip sa napilasan amo sanday Punong Barangay Melanie Dumaop, 48-anyos nga may pilas sa likod kag wala nga butkon, Barangay Kagawad Ermilita Dogomeo, 53-anyos nga may pilas sa tuo nga abaga, anak niya nga si Alyas Inday, 19-anyos kag ang bystander nga si Ace Gallego, 25-anyos.

Suno kay Reynel Dumaop, anak ni kapitan, nag-away ang suspek nga si Nicolas “Boyet” Abogada kag anak ni Kagawad Dogomeo rasun nga gintambagan sang duha ka opisyales.

Apang nagpalupok ang suspect gamit ang ginpahayag home-made shotgun kag naigu ang mga biktima.

Padayon nga ginabulong sa magkatuhay nga ospital ang apat ka mga pilason.

Samtang, preso naman sa Zarraga Police Station si Abogada. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply