Iloilo — Nagreklamo ang mga guwardya sang GDS Security Agency, Inc. nga na-assign sa Provincial Capitol kag district hospitals bangud nagaka-delay ang pag-abot sang ila sweldo kag natukiban nga kulang man ang remittance sa SSS.

Suno kay alyas Ed, base sa ila ginpirmahan nga kontrata sang 2016, mabaton nila ang sweldo kada fetsa 10 kag 25 sangĀ bulan. Apang nagakadelay sang lima ka adlaw ang sweldo.

Nagreklamo na sa DOLE ang mga guwardya kag nakay-o man sang security agency ang problema apang nasulit naman suno kay Ed.

Natukiban man suno kay Ed sang gincheck nila sa SSS nga indi sila maka-loan bangud kulang ang ila remittance.

Ginabanta ni Ed nga masobra 50 ka guwardya sang GDS Securtiy Agency ang assign sa Provincial Capitol, Iloilo Sports Complex, Motor Pool kag district hospitals.

Ginatinguhaan pa sang Aksyon Radyo nga makuhaan sang ila bahin ang security agency. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply