Iloilo City — Lauman ang saburoso nga sambuwa sa tunga nanday fighting Senator Manny Pacquiao kag Argentinian boxer Lucas Matthysse sa Axiata Arena, Kuala Lumpur, Malaysia subong nga aga.

Suno kay Ilonggo boxing analyst kag anay LTFRB 6 Director Porferio Clavel, competitive boxers ang duha kon basehan ang ila records kag training. Nagakadapat suno kay Clavel nga maghalong si Pacquiao sa mga sumbag ni Matthysse bangud kilala nga puwersado ang Argentinian boxer.

Apang makita man sa panghulag ni Pacquiao nga nakatuon na ini sang leksyon sang gin-knockout siya ni Juan Manuel Marquez. Posible nga gamiton nga istilo ni Matthysse ang stratehiya nga gingamit ni Marquez sa ila away ni Pacquiao suno kay Clavel.

Kon makalampuwas si Pacquiao sa knockout kag matapos ang hampang tubtub 12 rounds, nagapati si Clavel nga daku ang bentaha nga madaug ang fighting senator.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply