Kampo Delgado, Iloilo City–Nagapadayon ang illegal drug transaction ni PDEA-identified drug personality Jesus ‘Jingjing’ Espinosa bisan preso sa Iloilo District Jail sa Barangay Nanga, Pototan.

Base ini sa impormasyon nga nabaton ni Police Regional Office 6 Director PCSUPT John Bulalacao. Sa pagkamatuod suno sa iya, may reports nga nagapakighimbon pa kay Espinosa ang pila ka jail personnel.

Gin-athag naman ni Bulalacao nga padayon nga gina-validate sang PRO 6 ang impormasyon. Si Jingjing Espinosa ang bana ni Monica Blumentritt, City Proper Punong Barangay Keith ‘Dabing’ Espinosa nga ginpahayag may involvement man sa illegal drug activities.

Ginpabutyag ni Bulalacao nga indi sila mag-untat tubtub indi madakpan ang tanan nga drug personalities sa syudad base sa mandu sang PNP chief kag ni Presidente Rodrigo Duterte.

“Wala sang ideya”

Wala sang report nga nabaton ang warden sang IDJ angut sa pahayag ni PCSUPT Bulalacao nga padayon ang illegal drug activities ni Espinosa.

Suno kay Jail Supt. Vicenti Papelera, wala pa duha ka bulan sang nagbulos siya nga warden kag wala sang report angut pahayag sang PRO 6 Director. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply