Iloilo City–Naguba ang scheduled game sang Sitio League sang Barangay Benedicto, Jaro bangud indi mahampangan ang basketball court sa sulod sang Jaro plaza covered gym.

Kasunod ini sang ginbutang nga duha ka kabilya kag kandado sa basketball ring.

Suno kay Benedicto Jaro SK Chairperson Jennybell Jamora, nagpadala sila sang sulat sang Hulyo 9 kay Mayor Joe Espinosa nga gamiton ang covered gym kag ginpanugyanan man sila nga mag-coordinate lang kay Luna, Jaro Punong Barangay Ray Bion.

Masugod na kuntani ang hampang subong nga semana suno kay Jamora apang ginkakibot sang mga players nga may balabag nga kabilya kag ginkandaduhan ang basketball ring.

Gin-ako naman ni Bion nga siya ang nagpabutang sang kabilya kag nagpakandado sa basketball ring.

Depensa ni Bion, luyag niya nga mapabilin ang katinlo kag malikawan ang pagtambay sang mga estudyante sa covered gym ilabe na kon may klase.

Suno sa iya nga madamo ang nagahampang rasun nga nagahigko ang lugar. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply