Estancia, Iloilo–12 ang arestado kag isa ka menor de edad man ang ginkustodiya kasunod sang drug buy bust operation sa Brgy. Poblacion Zone II.

Suno kay Chief Inspector Jonah Galicha, hepe sang Estancia Police Station, ang mga nadakpan amo kanday Patricio Gallego, 43-anyos lakip ang mga bata niya nga 15-anyos nga dalagita kag si KC Rose, 19-anyos.

Nadakpan man sanday Richard Onilan, 24; Mary Grace Abinir, 18; Raymart dela Cruz, 18; Medona Develos, 24; Ronald Magno, 20; Edgardo Herera, 41; Errol Billosillo, 30; Rolando Posecion Jr., 23; Mark Bataga, 30 kag Antonio alyas Apa.

Nakuhaan si Gallego sang 11 tanan ka sachets sang suspected shabu, P1,200 nga kwarta lakip ang buy bust money kag drug paraphernalia.

Suno kay Galicha, madugay na nga gina-monitor ang area ni Gallego nga newly-identified drug personality.

Ginhimo ni Gallego nga drug den ang KTV bar sa lugar suno kay Galicha.

Pagbaligya sang illegal nga druga ang ipasaka nga kaso kay Gallego samtang maintaining drug den ang ipasaka sa mga bata niya. Visiting drug den naman ang ipasaka sa iban pa nga mga nadakpan.

Ginakuhaan pa sang Aksyon Radyo Iloilo sang pahayag ang mga natungdan. (AGB)

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply