Mga chiefs of police sa Rehiyon 6 nga pigado ang performance sa kampanya kontra druga, posible marelieve sa masunod nga semana

Iloilo City — Posible nga mapaguwa sang Police Regional Office 6 ang relief order sa mga chiefs of police sa rehiyon nga pigado ang performance sa kampanya kontra illegal nga druga.

Suno kay Supt. Joem Malong, spokesperson sang PRO 6, may posibilidad nga masaylo ang hepe sa syudad nga pigado ang performance sa nabukid nga mga banwa. Samtang ang maayo ang performance, mahimo nga masaylo sa mas malapit nga mga banwa.  Unahon lang suno kay Malong ang reshuffling sang mga hepe.

Nasumiter na sang Regional Senior Officers Placement Board and Promotions ang ila rekomendasyon pagkatapos sang evaluation sa performance sang mga chiefs of police. (JoMaque)