Mga miembro sang Philippine Army kag ginapatihan NPA, nagka-engkuwentro sa Tapaz, Capiz

Capiz–Naka-engkuwentro sang mga katapu sang Philippine Army ang mga ginapatihan miembro sang New People’s Army sa Sitio Bolod, Brgy. Roosevelt, Tapaz, Capiz kaina sang hapon, Hulyo 21.

Suno kay Lt. Colonel Sisenando Magbalot Jr., commander sang 61st Infantry Battalion, nagahimo sang combat operation ang mga suldado sa nasambit nga lugar sang naka-engkuwentro ang grupo sang mga ginapatihan rebelde.

Naglawig suno sa iya sang 10 minutos ang encounter. Wala sang may ginreport nga napilasan sa mga suldado samtang wala pa nahibaluan kon may napilasan sa ginapatihan NPA suno kay Magbalot.

Nagapadayon tubtub subong suno sa iya ang pursuit operation sang mga suldado sa lugar. (AGB)