Barbaza, Antique – Duha ka menor de edad ang napatay samtang pilason ang ila iloy sa nagluntad nga landslide sa Brgy. Binanuan, Barbaza alas 3 kahapon sang kaagahon (Hulyo 22).

Suno kay Senior Inspector Horizon Villanueva, hepe sang Barbaza Municipal Police Station, ginkilala ang napatay nga mag-utod nga sanday Rosalia Agapito, 6 anyos kag Andrew Agapito, 3 anyos, sang nasambit nga lugar. Pilason naman ang ila iloy nga si Tessie Agapito, 48 anyos.

Ginpahayag ni Villanueva nga nagakatulog ang mga biktima sa sulod sang ila balay sang gulpi lang naglandslide kag ginguba ang ila balay.

Gin-rescue ang mga biktima sang ila kasilingan kag gindala sa Pedro L Gindap Municipal Hospital sa Barbaza apang gindeklarar nga napatay ang duha ka bata. May minor nga mga pilas ang iloy. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply