Anay Bayan Muna Rep. Neri Colmenares, ginhatagan sang failure nga grado ang SONA ni Pres. Duterte

Iloilo City — Failure ang grado nga ginhatag ni anay Bayan Muna Congressman Neri Colmenares sa State of the Nation Address ni Presidente Rodrigo Duterte sa joint session sang Congress kahapon.

Para sa anay kongresista, wala nag-ayuhan ang pangabuhi sang ordinaryo nga pumuluyo bangud nagmahal ang mga balaklon, wala nagsaka ang sweldo kag wala nadula ang contractualization.

Ginpahayag ni Colmenares nga madamo pa sang promisa si Duterte nga wala natuman pareho sang libre nga duta sa mga mangunguma kag pagdayon sang peace process upod sa New People’s Army. Nagapadayon man suno sa anay kongresista ang corruption kag kriminalidad. (JoMaque)