House of Representatives—Nagapati si House Deputy Speaker kag Capiz Rep. Fredenil Castro nga wala sang “power grab” nga natabu sa pagkakas kay Congressman Pantaleon Alvarez nga House Speaker kag pagbulos ni anay presidente kag subong  Pampanga CongW. Gloria Arroyo.

Sang nagligad nga tuig pa suno sa iya naguwa ang plano nga ilisan ang House Speaker kag si Arroyo ang ginaduso nga magabulos apang nagpamalibad ini. Napilitan kahapon si Arroyo nga batunon ang posisyon suno sa kongresista bangud tanan nga political parties ang nagkumbinser sa iya.

Samtang gintadlong ni Castro nga 248 kag indi 184 lang ang nagboto pabor kay Arroyo agud mangin bag-o nga House Speaker.

12 naman ka mga kongresista ang nag-abstain sa botohay. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply