Iloilo City–Nag-istorya kay PRO 6 Director John Bulalacao si Councilor Plaridel Nava may kaangtanan sa sitwasyon sang illegal nga druga sa syudad.

Naglawig sang isa ka oras ang pag-istoryahanay nanday Nava kag Bulalacao sa Kampo Delgado kaina, Hulyo 25. May ginhatag nga folder ang konsehal nga naga-unod sang pangalan sang mga pulis kag iban pa nga personalidad nga ginpahayag involved sa illegal drugs.

Luyag ni Nava nga magbulig kay Bulalacao agud mangin madinalag-on ang pagsolbar sini sang problema sa illegal nga druga.

Suno sa konsehal, nagasalig siya kay Bulalacao bangud nahibaluan niya ang background kag nakita man ang masangkad sini nga kampanya batuk sa illegal drugs kag kriminalidad.

Nagalaum si Nava nga indi mag-untat si Bulalacao tubtub indi sini madakpan ang mga durugista sa syudad. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply