Iloilo City — Ginlaygayan ni Police Regional Office 6 Director Chief Supt John Bulalacao ang mga gun owners nga suguran ang pagproseso sang renewal sang License to Own and Possess Firearms anum ka bulan antes mag-expire.

Ginpa-athag ni Bulalacao nga indi kapareho sang driver’s license, wala sang temporaryo nga License to Own and Possess Firearm (LTOPF) nga ginahatag sa gun owner gani mas maayo nga makumpleto ang mga requirements antes pa man ini mag-expire. Mas madasig na subong ang pagproseso sang LTOPF suno kay Bulalacao kon kumpleto ang requirements.

Nagpa-athag si Bulalacao kasunod sang paglunsar sang PRO 6 sang Tokhang Kontra Ginadilian nga Pusil. Sa nasambit nga programa, mangtuktok sa balay sang gun owners ang team sang police kag hingyuon nga ipa-safekeeping ang ila pusil sa police station kon wala pa naka-renew sang LTOPF, registration sang pusil ukon Permit to Carry Firearms Outside of Residence. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply