Camp Delgado–Ginbalibaran ni Police Regional Office 6 Director John Bulalacao ang apelasyon sang Iloilo City Police Office nga ipabilin sa ila assignment ang tatlo ka Chiefs of Police nga ginpang-relieve kag ginsaylo sa iban nga probinsiya sa rehiyon.

Suno kay Bulalacao, nagguwa sa evaluation nga pigado ang performance sang mga natungdan. Isa man sa mga rason nga gin-relieve ang mga hepe suno kay Bulalacao amu ang ila familiarity sa lugar kag nangin inefficient na sa ila trabaho.

Nagalaum si Bulalacao nga hatagan sang kahigayunan ni ICPO Director Henry BiƱas ang mga pulis nga ginbulos sa ginpang-relieve nga hepe nga pamatud-an ang ila kaugalingon. Ang mga ginpang-relieve amo sanday Chief Inspector Juvy Navales nga ginsaylo sa Bacolod City Police Office halin sa Mandurriao Police Station; Senior Inspector Mary Grace Borio nga halin sa Arevalo Police Station, ginsaylo sa Capiz Police Provincial Office kag Senior Inspector Jose Val Ladublan nga ginsaylo sa Antique halin sa Lapaz Police Station. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply