Iloilo City — Mas pabaskugon sang Department of Public Works and Highways sa syudad ang koordinasyon sa City Government sa mga ginapatuman nga proyekto.

Pasalig ini ni Engr. Rodney Gustilo, head sang DPWH Iloilo City District Engineering Office matapos ang closed-door meeting nila ni Mayor Joe Espinosa upod kay Presidential Management Staff regional head Ruby Plagata sang Hulyo 24.

Suno kay Gustilo, indi pareho sa nakagawian,  gilayon sila nga makig-angut sa syudad pagkatapos sang bidding sang proyekto agud maplastar ang scope sang trabaho kag ang scheme nga gamiton sa information dissemination.

Ginhimo ang meeting kasunod sang reklamo nga ginpalab-ut sang Aksyon Radyo Iloilo sa opisina ni Special Assistant to the President Bong Go bangud sang tuman ka hinay matapos nga mga road projects sa syudad. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply