Dumangas Liga Ng Mga Brgy. President Dorothy Paes Wala Sang Makasumpong Sa Pagka-Presidente Sa Liga Provincial Election

Province of Iloilo — Wala sang kasumpong si Dumangas Liga ng mga Barangay President Dorothy Paes sa pagka-presidente sa Liga Provincial Election sa Hulyo 30.

Suno kay San Dionisio Liga President Ian Guillermo, chairman sang Nominations Committee sang Liga ng mga Barangay Province, wala na sang iban nga nagfile sang certificate of candidacy sa pagka-presidente antes ang pagtakup sang deadline alas-5 kahapon sang hapon. Ginpahayag ni Guillermo nga wala man sang nagkontra sa mga kaupod ni Paes nga sanday Sara Liga President Neptali Salcedo Jr sa pagka-vice president kag Balasan Liga President Andres Bedro Jr sa pagka-auditor.

Siyam naman ang nagfile sang COC sa pagka-Board of Directors nga amo sanday Domingo Alarba sang San Enrique, Ferdinand Esmejarda sang Igbaras, Lyka Joy Gelle sang Anilao, Herman Mana-ay sang New Lucena, Edna Miane sang Carles, Lorenzo Puda sang Pototan, Sancho Navarro Jr sang Estancia, Sebastian Salcedo sang Alimodian kag Jerry Tuares sang Tigbauan.

(ATT)