Iloilo–Nagfile na sang iya certificate of candidacy sa pagka-presidente sang Liga Federation sa probinsya si Dumangas Liga ng mga Barangay President Dorothy Paes para sa eleksyon sa Hulyo 30.

Ginconfirmar ni Paes nga upod niya nga nagfile ang iya mga kandidato sa iya linyada nga amo sanday Sara Liga President Neptali Salcedo Jr sa pagka-vice president; Andres Bedro sang Balasan sa pagka-auditor kag Board of Directors nga sanday Lorenzo Puda sang Pototan, Domingo Alarba sang San Enrique, Sebastian Salcedo sang Alimodian, Lyka Deboque sang Anilao, Edna Miani sang Carles kag Sancho Navarro sang Estancia.

Una na ginpahayag ni Paes nga gin-endorso siya ni 4th District Congressman Ferj Biron kag nagpasalig nga magasuporta sa iya ang 29 ka mga Liga presidents. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply