Iloilo City — Tatlo ka road projects sa syudad ang masobra na sa 15% ang negative slippage sa record sang DPWH Iloilo City District Engineering Office tubtob Hulyo 25.

Ini amo ang Construction/Improvement sang San Juan Street sa Barangay San Antonio, Molo nga may-27.75 slippage; Construction/Improvement sang Zamora Street, City Proper nga may -32.02 slippage kag Rehabilitation/Concreting of Road sa Pepita Aquino Street, Barangay Veteran’s Village, City Proper nga may -73.29 slippage.

Gintumod nga rason sa delay sa San Antonio, Molo ang kulang nga equipment kag manpower.  Ginpadal-an na sang notice of termination ang Legacy Construction sang Mayo 31 subong nga tuig apang nagfile ang contractor sang motion for reconsideration kag nagkomiter nga tapuson ang proyekto sa sulod sang 45 ka adlaw sugod Hunyo 21.

Ginrason naman sang Audric Construction sa delay sa Zamora Street ang kulang nga tinawo kag malain nga tiempo.

Hulyo 10 sang nag-isyu ang DPWH ICDEO sang notice to terminate contract sa contractor. Nagrequest naman ang HF Enterprise sang time extension sa proyekto sa Veteran’s Village bangud may mga obstruction sa ila gina-obra.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply