Iloilo–Ginbuyagyag ni 3rd District Congressman Arthur “Toto” Defensor Jr nga kabahin siya sang transition team ni House speaker Gloria Arroyo.

Suno kay Defensor, katuyuan sang transition team nga kay-uhon ang sitwasyon sa Kamara matapos ginkakas bilang speaker si Congressman Pantaleon Alvarez sang 1st district sang Davalo del Norte.

Naghingyo sang bulig si Arroyo suno kay Defensor kag nagpasalig man siya nga buligan ang liderato sang bag-o nga speaker.

Ginpa-athag naman sang kongresista  nga base sa house rules, ang wala nagboto ukon nagpamatok sa pagpili kay Arroyo bilang speaker ang magabug-os sa minority.

Una na ginpahayag ni Defensor nga wala siya nagboto kay Arroyo antes ang State of the Nation Address ukon SONA ni Presidente Rodrigo Duterte sang Hulyo 23 bangud nabutang siya sa alang-alang nga sitwasyon.

Si Defensor ang kabahin na sang majority sa Kamara sa liderato ni Arroyo sang PDP-LABAN political party. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply