Kampo Delgado–Naghingyo si PCSupt. John Bulalacao, Director sang Police Regional Office ukon PRO6, nga magpadala sang impormasyon nga makabulig sa kampanya sang police kontra illegal nga droga kag indi ang magpangsasko.

Ini ang pahayag ni Bulalacao matapos ang mga mensahe nga wala pulos nga ginpalab-ot sa numero nga ginlawag sini sa publiko sa handum nga makakuha sang mga inpormasyon para sa tinutuyo ni Presidente Rodrigo Duterte nga drug-free Philippines.

May nagapangayo sang load, nagahingyo nga makipagchat kag mga mensahe nga indi angut sa kampanya sang police kontra makahalalit nga droga ang mabaton ni Bulalacao.

Daku man ang pagpasalamat ni Bulalacao sa mga nagpadala sang mapuslanon nga impormasyon rasun sang madinalag-on nga illegal drug operations. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply