(UPDATE) Duha ka suspect nga nagkawat sang masobra P50K sa NIPSC-Estancia, wala sa gihapon makilal-an

Estancia, Iloilo–Wala gihapon nakilala ang duha ka suspek nga nagsulod sa Accounting Office sang Northern Iloilo Polytechnic State College sa Estancia kag nagkawat sang masobra P50,000 nga cash.

Nagbalibad man nga magpa-interview si NIPSC President Maria Theresa Calmares samtang nagapadayon ang imbestigasyon sang police.

Ginpahayag nga ginagamit nga kuwarta sa cash advance sang mga manunudlo. Base sa na-capture sang CCTV camera, duha ka lalaki nga ginabanta naga-edad sang 20 anyos ang nagsulod sa Accounting Office sang Hulyo 25 sang kaagahon.

Wala nabatyagan sang mga guwardya ang pagsulod sang mga suspek bangud natabuan nga nagalibot sila sa campus. (AGB)