4th year college student sa Badiangan, nagreklamo nga ginhimuslan sang maestro
Badiangan, Iloilo — Gindakop sang Badiangan Police ang maestro nga gin-alegar naghimulos sa iya estudyante sa isa ka barangay sa Badiangan kagab-i, Hulyo 27.
Suno kay Chief Inspector Dennis Pamonag, hepe sang Badiangan Police Station, gindala sang wala ginhingadlan nga maestro, 40-anyos, ang 20-anyos nga estudyante sa ila balay. Ginpahayag nga masaligan sang suspek ang tagreklamo sa paghimo sang mga proyekto.
Wala ang asawa sang maestro sang gindala sini ang estudyante sa ila balay.
Suno sa tagreklamo, natabu ang paghimulos sa CR pasado las-6 sang gab-i.
Nakatsansa ang estudyante nga magpalagyo kag nagreport sa police suno kay Pamunag.
Nadakpan ang maestro sa pihak nga barangay pasado las-9 kagab-i.
Preso na ang maestro sa police station samtang ginpaidalum naman sa medical examination ang estudyante. (JoMaque)