Iloilo — Gindismiss sang Provincial Prosecutor’s Office ang ginpasaka nga kaso batuk sa mag-asawa nga 2nd District Board Member Liecel Mondejar- Seville kag bana nga si Rico.

Ginpasakaan sang kaso nga usurpation of official function si Rico nanday Mario Tambacan kag Rolando Bordon, empleyado sang munisipyo samtang qualified direct assault ang ginpasaka ni New Lucena Mayor Christian Sorongon sa mag-asawa.

Wala nakitaan sang probable cause sang prosecutor ang kaso nga ginpasaka sa mag-asawa rasun nga ginbasura. Sang Hunyo 11 ginpaguwa sang prosecutors office ang joint resolution nga nagabasura sa kaso apang subong lang nga semana nabaton sang magtimbang nga grupo.

Suno kay Sorongon, ma-file sila sang motion for reconsideration sa Hulyo 30, Lunes bangud indi sila kumporme sa desisyon sang prosecutor. Nagpanindugan ang alkalde nga kinamatarong sang pumuluyo lang ang iya ginapakigbato.

Nag-ugat ini suno kay Sorongon sang ginsulod sang mag-asawa nga Seville ang Mayor’s Office kag ginrekisahan ang mga empleyado bangud sa ila akusasyon nga may armas ang mga ini apang wala sang may nakuha. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply