Mandurriao, Iloilo City — Nagawangal ang mga pumuluyo sa Brgy. Calajunan, Mandurriao bangud sang huol nga resulta sang wala pa natapos nga road project sa lugar.

Suno kay alyas Kristin, nagakabalaka siya ilabi para sa mga estudyante bangud masami sila nga nagakabasa kag ang ila mga sapatos bangud sang tubig baha.

Ginpahayag naman ni Calajunan, Mandurriao Punong barangay Ephrain Tagaytayan nga masami nga pugok ang trapiko sa lugar kun aga bangud sang wala pa natapos nga road project.

Una na gin-ako ni Mr. Jim Arcenio Jr sang J. Cordon Construction nga delay ang ila pag-obra sang Mandurriao-Pakiad Road bangud wala sila naga-obra kon gab-i.

Indi sige-sige ang pag-obra sang J. Cordon Construction and Supply sang Mandurriao-Pakiad Road.

Suno sa isa sa mga residente sa Calajunan, Mandurriao, sa bilog nga semana, sang Hulyo 26 sang gab-i lang nag-obra ang mga tinawo sang contractor pero ginsaway niya bangud pasado alas-9 na sang gab-i kag nagdisturbo sila sa katulugon. Wala man suno kay Toto gina-obra ang dalan kon adlaw.

Suno naman kay alyas Kristin, nagakabalaka siya sa ila mga estudyante nga naga-ubog sa baha dala sang wala pa nakay-o nga dalan. Nagapugok man ang trapiko kon aga suno kay Calajunan Punong Barangay Ephrain Tagaytayan.

Base sa project billboard, Pebrero subong nga tuig nagsugod ang pagkabkab sang dalan kag matapos ang kontrata sa Abril 28 apang anum ka span pa ang wala nabuhusan sang semento tubtob subong. Ang proyekto nagabalor sang 11.2 million pesos. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply