Iloilo City–Ginpapreso ang Senior Jail Officer matapos ginreklamo nga nagpinalupok sang pusil sa Barangay Mansaya, Lapaz kaina sang udto, Hulyo 28.

Suno kay Mansaya Punong Barangay Jericho Hortillosa, nagahimo sila sang clean-up drive sang may nagpahibalo sa iya nga nagapalupok sang pusil si SJO2 Vicente Alopijan, 45 anyos kag assign sa Bureau of Jail Management and Penology 6.  Nagpangayo sang bulig sa Lapaz police si Hortillosa kag gin-negosyar nga mapasurrender si Alojipan.

Ginpahayag naman ni SPO2 Jerwin Servano sang Lapaz Police Station nga nakuha nila sa balay ni Alojipan ang iya government-issued nga .9mm nga pusil. May na-recover man nga duha ka empty shells sa lugar.

Wala sang may ginreport nga nasamaran sa insidente.

Ginkumpirmar ni SPO2 Servano nga nakainom si Alojipan sang gin-aresto.

Posible nga magpangatubang sang kaso ang illegal discharge of firearm si Alojipan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply