Kampo Delgado, Iloilo City – Gina-engganyo ni PRO 6 Spokeperson PSUPT Joem Javier Malong ang may mga motorsiklo nga ipa-rehistro ini sa police station para sa Campaign Plan: Clean Rider campaign.

Tuyo sang programa nga mapunggan ang mga krimen nga ginahimo sang mga suspek nga nakasakay sa motorisklo.

Suno kay Malong, butangan nila sang “Clean Rider Sticker” ang motorsiklo sang tag-iya nga makasumiter sang registration documents.

Pa-athag ni Malong, wala nila ginapwersa ang mga motorcycle owners nga magparehistro pero lauman sang mga ini ang ma-id-id nga verification process kon padulugon sa PNP checkpoints kag makita nga wala sang “Clean Rider Sticker” ang ila motorsiklo.

Gin-isyu ni PNP Chief Director General Oscar Albayalde ang Memorandum Order No. 2018-028 sang Hulyo 6 angut sa pag-implementar sang Campaign Plan: Clean Rider kasunod sang madamo nga krimen nga ginadalahigan sang motorcycle-riding nga mga suspek.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply