Batad, Iloilo– Ginransack ang apat ka opisina sang Northern Iloilo Polytechnic State College ukon NIPSC Batad Campus kaina sang kaagahon, July 30.

Suno kay Chief Inspector Ciriaco Eiman Esquilarga, hepe sang Batad Police Station, nagalab-ut sa P80,000 ang nadula sa vault sang finance office nga ginkiwalan sang matig-a nga bagay sang suspetsado.

Wala naman sang may nakuha nga kwarta sa supply, registrar, kag guidance office pero nag-ilinukay ang mga kagamitan sang amo nga mga opisina.

Wala naman ginkawat sang suspetsado ang laptop sa sulod sang finance office.

Ginpakadtuan na ni Esquilarga sa SOCO team ang eskwelahan agud makuhaan sang fingerprints kag iban pa nga ebindensya.

Nakasulod sa mga opisina ang suspek paagi sa pagguba sang door knob kag pag-utod sang padlock.

Sang nagligad nga semana, ginransack man ang NIPSC Estancia Campus. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply