(UPDATE) Amay nga nakatiro patay sa bata sa Cabatuan matapos nga nagsunluganay sila, daku ang paghinulsol sa natabu; asawa sini, wala na sang plano nga magpasaka sang kaso

Cabatuan, Iloilo–Daku ang paghinulsol sang amay matapos gintiro-patay ang iya bata sa Brgy. Ayaman, Cabatuan kagab-i, Hulyo 31.

Suno kay Angel Pillo, 49 anyos kag tanod commander sa barangay, masakit man sa iya ang natabu bangud nga palangga niya si Angelo Pillo, 22 anyos kag wala sang ginikanan nga luyag magpatay sa iya bata.

Nagtingub na tanan ang kalain niya sang bu-ot bangud wala ini nagarespeto sa iya bilang amay.

Antes ang insidente, ginsunlog sang bata nga “bitas” ang iya amay bangud sa bitas sini nga dulunggan kag nagbalos naman ang amay kag gintawag nga “sungi” ang iya bata.

Napikon ang amay gani gintiro sang 12-gauge shotgun ang iya bata nga naigo sa puwak.

Pareho nga naka-inom ang mag-amay suno sa police. Wala naman sang plano ang asawa ni Angel nga magfile sang kaso batuk sa iya. (AGB)