Estancia, Iloilo-Nangayo sang bulig ang teenager nga taga-Metro Manila matapos nga ginbilin kag wala na ginbalikan sang iya mga kaupdanan sa Estancia kagab-i, Hulyo 31.

Suno kay Elmer Inocencion, 17 anyos nga tumandok sang Cubao, na-engganyo siya nga magsakay sa van sang iya mga abyan bangud may kadtuan nga birthday celebration. Ginpahayag ni Inocencion nga wala siya nakahibalo nga malayo ang Iloilo.

Walo tanan ang sakay sang van pero suno sa teenager, ginpapanaug siya sa Estancia kag wala na ginbalikan.

Nabilin sa van ang iya cellphone kag bag lakip ang iya kuwarta nga duha ka libo ka pesos.

Indi pa saulado ni Inocencion ang iya numero bangud bag-o lang sini nabakal ang iya cellphone. Wala naman nakahibalo si Inocencion sang apelyido sang iya mga naga-upod nga nangin abyan niya lang bangud lapitay ang ila baligyaan sa Cubao. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply