Pototan, Iloilo–Nagsurrender ang suspek sa paglabu sa iya kaupod sa trabaho sa Rumbang, Pototan.

Suno kay Niel Porras sang Barotac Nuevo, kinulbaan siya kagab-i gani nga nagpalagyo matapos nalabuan si Mark Loloy.

Ginpahayag ni Porras nga upod sila inom ni Loloy matapos ang ila trabaho apang nagbaisay sila angut sa sweldo. Nagkuha suno kay Porras sang binangon si Loloy kag una siya ginlabu pero nakalikaw siya.

Gin-agaw ni Porras ang binangon pero gintapugol siya ni Loloy gani nanulom ang iya panulukan kag nalabuan ang biktima. Nagapang-sarahe ang duha sang kahoy nga ginahimo nga uling.

Luwas na sa katalagman si Loloy nga gindala sa Western Visayas Medical Center. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply