Pototan, Iloilo–Nagreklamo ang nurse nga ginhimuslan sang duha ka lalaki nga iya classmate sang high school sa Pototan.

Suno sa 28-anyos nga tagreklamo, natabu ang paghimulos sa iya sa dalom balay sang isa sa mga suspects. Base sa imbestigasyon sang police, nag-inom ang tagreklamo upod sa iban pa nila nga high school classmates apang naglakat sila nga anum agud magbakal sang dugang nga ilimnon.

Naghapit ang complainant kag duha ka ginreklamo sini sa balay sang isa sa mga suspects. Ini bangud ginpahayag nga naglingin ang ulo sang isa ka suspects. Mapahapit na lang kuntani sila sa mga kaupdanan nga nagbakal sang ilimon sa banwa.

Apang sang hapiton na ang tatlo, indi na sila makit-an sa balay gani nagbalik na lang sila sa ila gina-imnan kag wala na ginpangita ang tatlo.

Sang kaagahon na nakabugtaw ang dalaga nga suno sa iya bukas ang zipper, baliskad ang bayo kag nagasakit ang pus-on gani nagduda ini nga ginhimuslan siya.

Ginpa-idalum sa medical examination ang tagreklamo samtang prisu ang duha ka lalaki.

Nagtambong ang tagreklamo kag mga suspek sa reunion sang ila batchmates sang high school. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply