2 patay kag 2 ang pilason sa tatlo ka balay nga nasunog sa Project 3 Sooc, Arevalo pasado alas 12:00 kaina sang kaagahon.

Ginpahayag na-trap ang mag-iloy sa sulod sang comfort room sang ila balay pagkatapos nag-ibwal ang kalayo sa ground floor.

Wala nakapanaug sa second floor sanday Nori Lariosa, 62-anyos kag Alyssa Lariosa, 23-anyos bangud nag-umpisa ang kalayo sa sala nga nahamtang sa ground floor.

Gindala naman sa ospital ang apo ni Nori nga 14-anyos kag anak sini nga si Jude Christian, 18-anyos para sa nagakaigo nga pagbulong.

Naulamid man sa sunog ang balay ni Madilyn Vevencio nga totally-burned man kag partially-damaged ang balay ni Ely Juerbana.

Sa initial nga report sang Bureau of Fire Protection na-overheat ang TV sang pamilya Lariosa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply