Igbaras, Iloilo (UPDATED)–Masobra 10 ka balay ang nahalitan sang landslide sa Sitio Rumbang kag Sitio Cabaoy, Brgy. Igpigos, Igbaras las-2 kaina sang kaagahon, Agosto 4.

Ginabanta man sa 17 tubtub 20 ka ektarya sang duta ang natiphag kag lakip sa apektado ang talamnan sang mga residente.

Suno kay Barangay Kagawad Joey Estardo, indi maagyan ang lugar bangud sa natiphag nga duta. Wala sang residente nga na-trap matapos nabatyagan nga nagahulag ang duta gani nakahingagaw sila guwa sa ila balay. Lakip sa naaepektuhan ang balay ni Punong Barangay John Noe Tacan.

Nakit-an naman nga luwas kaina sang aga ang isa ka residente nga ginreport nga missing kagab-i. Temporaryo nga nagatiner sa barangay hall ang mga apektado nga residente.

Ginpahayag ni kagawad Estardo nga duha ka adlaw nga wala-untat ang ulan sa lugar gani naghumok kag natiphag ang duta. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply