Jordan, Guimaras–Nakilala na ang bangkay sang babaye nga nasapwan sa kasi-utan sa Caram Street, Brgy. Alibhon, Jordan, Guimaras sang Agosto 2 sang aga.

Suno kay Senior Inspector Stephen Lee Betansos, hepe sang Jordan Police Station, ginkilala sang iya ginikanan kag duha ka utod ang babaye nga si Emelyn Ganancial, 23 anyos sang Sitio Igbantang, Sta. Teresa, Jordan.

Ginpahayag ni Betansos nga Agosto 1 sang aga sang naghalin sa ila balay si Ganancial agud mag-review para sa Criminology examination sa syudad.

Indi pa madeterminar sang police kon ginhimuslan ang babaye bangud wala pa na-autopsy.

Nasapwan si Ganancial sang manugkahoy nga may agi sang pagkalampos sa iya nawong. Narecover sa crime scene ang isa ka empty bottle sang C2, putos sang condom, panyo nga pink kag itum nga gloves.

Wala pa sang identity sa suspek ukon mga suspetsado ang Jordan police pero nagapadayon ang ila imbestigasyon sa krimen. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply