53-ANYOS NGA SOLTERO NAGTUYO MAGHIKOG, NAOSPITAL
Iloilo City — Gindala sa Iloilo Doctor’s Hospital ang 53-anyos nga lalaki matapos nagtuyo maghikog sa ila balay sa Rizal Pala-Pala, City Proper kaina sang aga, Agosto 6.
Nakita sang iya kasilingan ang lalaki nga tuyo maghikog gamit ang habol nga ginhigot sa iya liog gani madasig ini nga ginkadtuan kag gindala sa ospital.
Makaduha na ini ka beses nga nagtuyo maghikog ang lalaki.
Kahapon, nagtuyo man ini nga maghikog gamit ang lubid nga ginhigot sa iya liog apang natalupangdan sang iya pamilya gani napunggan.
Masami nga naga-isahanon sa ila balay ang lalaki suno sa iya kasilingan. Ginapatihan nga personal problem ang rason sang tuyo nga paghikog sang lalaki. (JoMaque)