Iloilo City — Maka-alarma ang kaso sang leptospirosis sa probinsya suno kay Dr. Maria. Socorro Quiñon sang Provincial Health Office.

Base sa record sang PHO tubtob Hulyo 28, 79 ang narecord nga kaso sang suspected leptospirosis halin sa 23 ka banwa. Apang maka-alarma na ang walo ka narecord nga napatay suno kay Quiñon, tatlo diri ang halin sa Oton.

Ginpanugyanan ni Quiñon ang mga nakalusong sa baha nga magkadto sa pinakamalapit nga health centers agud mahatagan sang bulong.

Ang leptospirosis nagahalin sa ihi sang ilaga kag delikado sa mga tawo nga may pilas kon maglusong sa baha. Hilanat, sakit sang ulo kag pagpanalakit sang luku-lukoan ang mga sintomas sang balatian kag may kumplikasyon nga kidney failure kon indi gilayon mabulong. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply