Pototan, Iloilo (UPDATE) – Indi na magpasaka sang kaso ang nurse nga nagreklamo nga ginhimuslan sang iya duha ka classmates sang high school sa Pototan.

Suno kay PO2 Raquel Cayton sang Women and Children’s Protection Desk ukon WCPD sang Pototan Municipal Police Station, nag-file ang tagreklamo sang “affidavit of non-interest to file a case.”

Wala sang patimaan nga ginhimuslan ang tagreklamo suno kay Cayton base sa resulta sang examination.

Gin-ako man sang 28-anyos nga tagreklamo nga may kasaypanan man siya bangud nagpatama siya sang inom sang nagtambong sa ‘mini-reunion’ nila sang batch mates sa high school.

Indi naman niya madumduman ang nagkalatabo sang siya ang nahubog.

Una nga nagreklamo ang babaye nga ginhimuslan siya bangud wala na ang iya pantyliner, bukas ang zipper kag nagasakit ang iya pus-on sang siya ang nakabugtaw.

Nakaguwa naman sa presuhan ang iya duha ka classmates. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply