Iloilo City–Ginpirmahan ni Mayor Joe Espinosa ang Executive Order para sa 14 ka adlaw nga partial closure sa gina-obra nga karsada sa San Juan Street, Brgy. San Antonio, Molo.

Base sa Executive order, maga-umpisa ang partial closure subong nga adlaw, Agosto 7, tubtob Agosto 22. Bangud sini, ang tanan nga Timawa PUJs halin sa Compania Street ang magaagi sa San Juan Street patu-o sa San Antonio Street pakadto sa Lopez Jaena Street, Timawa kag pa-City Proper.

Dumilian nga makasulod ang mga salakyan sa corner Avanceña Street pakadto sa San Juan St., Holy Rosary Compania kag halin corner San Antonio St. pakadto Holy Rosary/Avanceña Street.

One-way naman halin corner Compania Bianing tubtob sa junction sang San Antonio Street.

Ginpahayag ni City Administrator Atty. Hernando Galvez nga kon indi pa matapos ang obrahanay pagkatapos sang 14 ka adlaw, puwede makarequest ang DPWH sang extension antes mag-expire ang 14 days. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply