Iloilo–Nagreklamo ang homeowner sa Parc Regency I sa Ungka 1, Pavia sa mahigku nga tubig nga nagaguwa sa ila gripo.

Nakibot si alyas Marie nga mabahu kag brownish ang color sang tubig nga naguwa sa ila gripo kagab-i, Agosto 7.

Natabu ini bisan ginhambal ni Dina Estocado, General Manager sang PRO Friends Iloilo nga developer sang Parc Regency Residences, nga nag-flushing sila sang pipes sang Hulyo 31 kag nagtinlo sang ila tangke sang Agosto 1 kasunod sang mga reklamo sang homeowners sa Parc Regency Q sa Balabag, Pavia.

Apang antes sini, ginpahayag ni Marie nga 2013 pa siya nakareklamo sa management angut sa ila water supply matapos nagbalatian sa panit ang iya bana kag bata.

Samtang may taga-Estancia man nga nakabakal sang balay sa Parc Regency nga nagreklamo sang mahigku nga water supply. Suno kay alyas Notnot, nakareklamo sila sa management apang wala man sang aksyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply