Iloilo City— Nagapati si Councilor Plaridel Nava nga kinahanglan tun-an sang maayo ang plano ni Public Safety and Transportation Management Office head Jeck Conlu nga ipa-accredit ang mga barkers sa syudad.

Bilang author sang Anti-Barker Ordinance, ginpanindugan sang konsehal nga ang mga barkers ang isa sa mga rason kun ngaa nagalala ang trapiko kag naga-miserable ang mga motorista. Ini bangud nakita ni Nava nga nagapakighimbon ang pila sa ila sa mga traffic aides.

Suno kay Nava, ginapasugtan sang mga barkers nga magpapanaug kag magpasakay sang pasahero ang mga jeep sa indi loading kag unloading areas nga ginapabay-an naman sang mga traffic aides.

Daw pareho lang suno sa konsehal nga i-legalize ang ginahimo sang mga barkers paagi sa plano ni Conlu.

Nadudla na si Nava sa ginhimo ni anay Mayor Jed Patrick Mabilog nga hatagan sang tag-P5,000 nga livelihood assistance ang mga barkers apang ginkuha lang nila ang kuwarta kag balik naman sa ila trabaho. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply