PROVINCIAL ADMINISTRATOR KAG HOSPITAL MANAGEMENT OFFICE HEAD DR. RAUL BANIAS, NAG-ISYU SANG MEMORANDUM NGA NAGATUKOD SANG ‘DENGUE FAST LANE’
Iloilo – Bangud sa pagsaka sang numero sang dengue sa probinsya, nagpaguwa si PA Raul Banias nga amo man ang head sang Hospital Management Office sang memorandum nga nagatukod sang ‘Dengue Fast Lane’ sa 12 ka district hospitals.
Tuyo sini suno kay Banias nga mahatagan sang prayoridad ang mga pasyente nga ginadudahan nga natapikan sang dengue.
Base sa record sang Provincial Health Office tubtob Hulyo, 735 ang kaso sang dengue sa probinsya kag may apat nga patay–duha sa Janiuay kag tag-isa sa Ajuy kag Calinog. (JoMaque)