Sunod-sunod nga pag-ransak sa mga eskwelahan sa Northern Iloilo, ginapa-imbestigaran sang IPPO director
IPPO headquarters, Sta. Barbara, Iloilo–Ginpa-imbestigaran ni Iloilo Police Provincial Office Director Senior Supt. Marlon Tayaba ang sunod-sunod nga pagpang-ransak sang mga eskwelahan ilabe na sa nagkalain-lain nga branch sang Northern Iloilo Polytechnic State College sa 5th District.
Ginmanduan ni Tayaba ang tanan nga chiefs-of-police nga makig-angut sa school officials. Ginlaygayan suno sa iya ang mga school officials nga likawan ang pagbilin sang valuables pareho sang kuwarta sa ila opisina.
Base sa record, ginransak ang NIPSC Sara sang Hulyo 11, NIPSC Estancia sang Hulyo 25, NIPSC Batad sang Hulyo 30 kag NIPSC Ajuy kahapon, Agosto 7. Ginsulod man ang Ajuy National High School kag natukiban kahapon sang aga. Sa NIPSC Sara lang wala sang nakuha ang mga suspek. (AGB)