Former clinical instructor, patay na sang nasapwan sa ginarentahan sini nga balay sa Calumpang, Molo

Iloilo City – Ginkilala ang napatay kay Eduard Genosa, 57 anyos sang Brgy. Sambag, Jaro, kag temporaryo nga naga-arkila sang balay sa Zone 8 Brgy. Calumpang, Molo.

Suno kay Jerry Pabulayan, hinablos sang tag-iya sang balay nga ginarentahan sang napatay, pito ka bulan nga naga-estar si Genosa sa nasambit nga area.

Ginpahayag ni Pabulayan nga madugay na nga nagareklamo si Genosa sang iya ginabatyag nga pagsakit sang iya kilid kag iya ubo antes siya nasapwan nga patay kahapon, Agosto 8.

Wala sang foul play nga nakit-an si SPO3 Ceasar Salcedo, imbestigador sang Molo Police Station sa kamatayon sang anay clinical instructor. (JoMaque)