Iloilo City — Ginapreparahan na ni Councilor Joshua Alim ang mangin aksyon sang Panay Electric Company (PECO) matapos gin-grant sang judge ang motion to dismiss nga move sang konsehal batuk sa declaratory relief with injunction nga ginfile sang PECO sa city government angut sa meter reading card ordinance.

Ginahulat na lang sang syudad ang hard copy sang desisyon ni Judge Victorino Maniba, Jr sa motion ni Alim matapos nga wala nagapakita sa pre-trial kahapon, Agosto 8, ang PECO ukon ila abogado.

Ginpahayag ni Alim nga base sa Rule 18, Section 5 sang Rules of Court, puwede makamove ang gina-akusar sang dismissal sang complaint without prejudice kon indi magkadtu sa pre-trial ang nagareklamo ukoniya abogado.

May 15 ka adlaw pa man ang PECO suno kay Alim agud mag-apelar kag ginalauman na sang konsehal nga magagasto ang PECO agud indi mapatuman ang ordinansa nga iya gin-author.

Ginsulit ni Alim nga gindesinyo ang ordinansa agud maproteheran ang mga konsumidor sang PECO batuk sa alleged overbilling kag erroneous billing bangud puwede nila makumparar ang ila current kag previous bills kon may card. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply